Please see link/PDF for English Abstract. Mizo translation below.

Mizoram, India hmarchhakah oil palm leh teak hmun aiin tlangram lo neih hi ramhnuai sava te tan ahnemhnanawm zawk

THU TLANGPUI

Ramngaw leh thlai chi hrang hrang chinna thlawhhma te thlai mal chin bingna atana chán zel hi khawvel pum ahumhalhtu te ngaimawh a ni ta. India hmarchhakah pawh, tlang mi te thlawhhma chu, thlai mal (teak, oil palm)-in a lanchho mek bawk. Oil palm leh teak hmun te, chulram (kum 0 – 8 léng) leh lo (ringthar) te leh Dampa ngawpui, Mizoram,India-a mi te kan khaikhin a. Zirbing tura thlan chi nga te hi hmun sawmhnih-ah theuh thendarh a ni a, chumi chhungathingkung awm te, sava chi hrang awm te, an bit dan leh an tam dan te zirchian a ni. Oil palm hmunah thingkung atlem ber a, teak hmunin a dawt a, lo leh ngawah te a tam ber thung. Loa thingkung bit zawng (4.3/100m 2 ) hi oil palmhmun (0.5) aiin a sang a, ngawchhung (6.8 – 8.2) a sang fal hle, oil palm hmunah mau a awm lo a, chulah erawh mau atam thung (25/50m 2 ). Sava chi 107 (ramhnuai-sava 94, dai-sava 13) chhinchiahah oil palm hmunah a tlem ber a (10),teak hmunin a dawt (38); Ngaw hmawr (58) leh chhungril (70) te chu ringthar (50) aiin a sang zawk. Loah leh ngawaramhnuai sava tam dan a thuhmun a, oil palm hmun aiin 304%-in a sang a, teak hmun aiin 87%-in a sang bawk. Thlaimal chin-bingna aiin lo leh ngawah sava chi thuhmun a tam zawk. Chulramah thing leh mau a than chak avang te, mauhmunin ngai a awh leh hma avangin lo neih hi sava humhalh nan a tha zawk. Lo neih tihmasawn tur zawnga leilungenkawl dan duan chhuah hi a tul takzet a, vahchap sawngbawl dan tha zawk te, tualto thlai uar tur te leh thlaimal chin-bingna hmun hnaia luikam thing chi dang te humhalh tura inkaihhruai a tul hle.

Tawngkam hman bik: sava chi ho, ngawpui, thlawhhma, lo, Tectona grandis, Elaeis guineensis, thilnung tinrengtamna, leilung hmandan tihdanglam